DAVID KASEI WAPAR
An entry in The Crocodile Prize
Kina Securities Award for Poetry
Long nait bai yumi bung
Taim papa silip tingting i lus,
Bai yumi bung aninit long mun
Long nait yu no ken silip
Taim mama silip na lus tingting
Bai yumi go daun long nambis
Noken tokim poro meri
Nongut em stori long moning
Na papa bai korosim mi
Noken tokim susa blong yu
Kirap isi na kam yumi go bung
Mama save na bai paitim yu
Krunkutim giraun long ol pinga
Isi tasol, nongut ol i kirap
Yu kam hariap mi wet istap
Holim han blong mi na yumi go
Long nambis antap long ston
Kisim kolwin inap yumi kol
Na sapos i kol tumas
Suruk ikam na yumi holim pas
Larim mi holim yu inap yu tuhat
Long nait bai yumi bung
Inap tulait buruk
Mi wantaim yu!